CLICK HERE FOR THOUSANDS OF FREE BLOGGER TEMPLATES »

الأربعاء، 12 مارس 2008


سيدى ..هل تقبل دعوتى إلى العشاء؟ هذه دعوة قديمة بداخلى ،فى كل يوم أريدك لو تلبيها ،لن تندم ،القائمة مختلفة والجو مختلف حتى أنا ستجدنى مختلفة ،سأرتدى رداءً خاصً لن يكون أحمر أو أسود قد تحب أنت هذه الألوان لكنى هذه المرة سأفعل كل شىء على طريقتى الخاصة التى لم تعهدها منى ،سأنقض عهودى التى أخذتها على نفسى أسترضيك ،سأفعل كل ما يرضينى أنا فقط هذه الليلة ،سأرتدى رداء منسوج من حروف بارزة شفافة مبعثرة ،نعم حروف وكلمات ،نعم هى دائما الكلمات ما أود أن أقدمه لك وتقدمه لى ، كل كلمات الكون ،ما قيل فى العهود القديمة والحديثة وكل ما سيقال......... ،سيكون شعرى مرتفع لأعلى ،تأخذ خصله إلتواءات وإنحناءات وشبه دوائر ،أذا دققت النظر ستجدها تأخذ شكل كلمة ،تقرأ من الأمام (إستمع لى )،ومن الخلف (تحدث إلية)،قائمة الطعام تتكون من طبق واحد غير مسمى ولا تظهر مكوناته ،سأطعمك منه بيدى لاتأكد أنه يصل إليك ،ستسألنى : ما هذا ؟..سأجيبك: ستعرف بمجرد أن تنهيه........ ،اما جو العشاء فلن يكون إلى جوار مدفأة موقدة بالحطب أو شموع حمراء معطرة ،لن يكون إلى جوار العشاء عذب صوت العفاسى ككل ليلة ،سيسود المكان الصمت والظلام ،لاأريد أن تنشغل عينيك بضياء او ينشغل انفك بعبق عطر او تنشغل أذنيك بلحن ،أريد ان تكون حواسك كلها آذان ليس أمامها إلا أن تستمع لى وحدى ،لكلماتى ،لن تفهم كلمة واحدة ،ستجدها طلاسم اقوام أبيدوا من أزمان غابرة ،ستتدفق كلماتى غير منسقة ،ستتدفق غزيرة وكأنها شللات نياجرا ،،تزاحم بعضها بعضا منطلقة باقصى السرعات ،تنفض من عليها غبار اليأس والوحدة والإحباط،ستضخ الدماء فى عروقها من جديد ،ستجد كل ما فى ساكن لا يتحرك جزء من المليون من حركة ،ستتوقف دقات قلبى ،سيتحجر الدمع فى مقلتى ،ستصمت نداءات عقلى ،ستسكن إرتجافات أعصابى ،سيبقى فقط شفتين ولسان ،يخرجان ،فقط يخرجان كلمات عتيقة مشبعة بالدقات والدموع والمثيرات والإرتدادات ،وعندما يهم ديك الصباح بالصياح ستجد سرعة كلماتى تتباطىء منهكة ، ثم رويدا رويدا تتوقف تماما ويسود السكون ........ثم فجأة.. يخترق السكون حديث :لم أفهم شيئا من كلماتك ولكنها جميلة وصوتك جميل حبيبتى أين الكبريت سأضىء الشموع ها هى ما هذا الرداء الجميل تبدو تسريحتك مختلفة تبدو وكأنها كلمة: نعم، إسمعنى كلمنى ..!آه احبك كثيرا هيا نخرج نشهد بزوغ الفجر ألا تحبى زقزقة عصافير الصباح سأشاركك فى الأستماع لها اليوم أين إبريق الشاى أين السكر ها أنا أعددت لك الإفطار سأطعمك اليوم فى فمك هل يعجبك الإفطار مارأيك فى هذا الطبق الذى أعددته إنه طبق خاص من حبيب إلى حبيب .......بمناسبة الأطباق ،حتى الآن لم تخبرينى بمكونات الطبق الذى أطعمتنيه 000ما هى؟0000 سأضحك وأتنهد وأسجد شكرا لله0000000وأنام0

21 التعليقات:

المـــفـــــــقــــــــوعـــــة مــرارتـهــا يقول...

اسلوبك حلو اوي وراقي اوي
أيدك بقي علي إزازة الريحة اللي وعدتيني بيها أحسن الحالة عندي جيم خالص

غير معرف يقول...

بصى يا سحور...(مش سحور برده؟)الطريقة الوحيدة اللى تريحى حماتك بيها إنك تكونى الحاجة اللى هى عايزاها ‘مش سهل عليها إنك ختى منها إبنها‘أيوة خدتيه وخدتيه غصب عنها كمان هى شايفة كدة واستحالة تشوف غير كدة ،فانت بقى إرضى غرورها.....إزاااااااى؟ أقوللك :اول ما جوزك يرجع البيت وتلاقى فى إيده كيس موزعلى برتقان اوليله:إيه دة يا حبيبى هايقوللك مانتى شايفة أوم انتى فى حركة مباغتة سبليله واعملى نفسك هاتعيطى وقوليله :عديت على (مووه ما) فاكهة زى دى طبعا هايستغرب ويقوللك مين موما دى قوليله:أوماك ياخويه احم اقصد مامتك ياحبيبى فكرك انى اقدر آكول حاجةمن غيرها ،وتحكمى رايك انه لازم يودى لمامته،وهكذا تعملى حلة محشى كوسةبالحمة تبعتى معاه وتقوليله آنا آكل من غير حماتى حبيبتى ده لا كان ولا هايمكن ..!هاتفرح بقى بجوزك اوى وتقول:ابنى حبيبى تربيتى شاكمها،وفمرة وجوزك مش هنا إتصلى بيها وسرخى جامد واعملى صوت خبط ورزع وقولى بصوت منبوح خلآص والله حرمت مش هاعمل كدة تانى الحقينى ياحمااتيييييييىواقفلى السكة بسرعة هاتقول:هوة دة ابنى حبيبى ،ايوة ربيها ،يامبرد نارى ،اوم أيه ت ش ي ل ك م ن د م ا غ ه ا خااااالص0

موناليزا يقول...

الرومانسية فن لايجيده الرجال يعنى بعد الجو ده كله وممكن تلاقيه ولع النور واكل اى حاجة وسابك ودخل نام وانتى واقفة مذهولة مش لان تعبك راح ع الفاضى لا لانه سابك ودخل ينام من غير ولا كلمة
بس تعرفى مجهود رائع برضه انتى تعملى اللى عليكى ويارب يتمر

رئـــــيسـة حزب الأحلام يقول...

السلام عليكم الموضوع جميل واسلوبك جميل

الزواج.....روضة الحب يقول...

monaliza ======== منورانى يا مون مون ،الله ينور عليكى ،إحنا نعمل اللى علينا والباقى على ربنا،ننكد على نفسنا ليه ؟وما عرفش انتى توافقينى ولا لأ ..بس بتهيقلى الست تقدر تخلق جو السعادة بنفسها فى البيت لو ماكنتش موجودة(السعادة مش الست) ويمن اقول الحاجات دى بالتفصيل بعدين وشكرا مرة تانية0 رئيسة حزب الاحلام ============== والله انتوا اللى جومال وربنا يديم المعروف..

Unknown يقول...

اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
الى ---- ( حملة حما يه ) ------
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة

Desert cat يقول...

يا بخته
كلماتك صادقة وجميلة وهو اكيد يستاهلها
تحياتى

الجواز و سنينه يقول...

الله الله يا ست
بجد تسلم اديكى
بس عايزه اقولك على حاجه ريحتنى جداااااا
فيه ناس طبيعتهم كلامهم قليل و ده يشمل اغلب الرجاله و انتى لو بتشتغلى و شايفه التعب و مسؤله عن البيت و المثاريف هاتلاقى نفسك مش بتفكرى فى الرومانسيه اصلا
بجد كتر خير الرجاله و ربنا يكون فى عونهم
و اكيد هو يستاهل كل الحب اللى بداخلك علشان كده احببتيه
و لو فيه نفص فأكيد كل منا فيه شيئ ما ينقصه
تغاضى عما ينقصه لانه اكيد متغاضى عما ينقصك لان الكمال لله وحده
اهم حاجه فى الموضوع اننا اتعرفنا على بعض
ملاحطه ابقى كبرى الخط شويه علشان متعب اوى فى القرأه

عروسة ننوسة يقول...

تحياتى لكى ولمدونتك

الشموع البيضاء يقول...

اسلوبك جميل.. ومدونتك الاحساس فيها عالى.. تحياتى وبالتوفيق ومنتظره زيارتك

سابرينا يقول...

فعلا انت حد جميل
لايري الكثيرون في الظلام شئ ولكنك ترين فيه نجوم متلالاه!
plz make the font lagrge

الزواج.....روضة الحب يقول...

حسن توفيق/ سبقتنى إليها ،جزاك الله كل خير0 desert cat/بصراحة يستاهل اكتر من كدة بكتييييييير ،بس لو يتكلم..! الجواز وسنينه/فعلا أهم حاجة إن إحنا إتعرفنا على بعض ،بس إيه الله الله يا ست دى.؟والله ياجماعة انتو بتجبروا بخاطرى ،واوعدك المرة الجاية الخط هايكون آاااااد كدهه،انت تأمر يا قمر0 ganna/متشكرة لزيارتك ولتحيتك0 الشموع السوداء/والله ماعارفة أقول إيه،انا محرجة اوى،مش متعودة على الحاجات الحلوة دى ياجماعة، وانا جايه أهوه0 sabrina/ياريت كل الناس تحاول ماتشوفش غير الحاجات الجميلة فى كل حاجة حواليها،اعتقد ساعتها كل الناس هاتعيش سعيدة ،على ابو القاسم الشابى :كن جميلا ترى الوجود جميلا ،منورانى ،ووالله خلاص هاكبر الخط ،انا برده مابعرفش اقراه ،لسة مبتدئة وكده يعنى0

رئـــــيسـة حزب الأحلام يقول...

السلام عليك ادعوكى لحل مشاكل الامة

الهدهد الطائر يقول...
أزال المؤلف هذا التعليق.
واحد بيدور علي قلبه يقول...

بجد بجد يا بخته يا سعده يا هناه بس معلش انا مش مع كلام الموناليزا في رجاله برضه رومانسيه بس هو دايما كدا لازم يبقي الطرفين مش زي بعض نصيب بقي بس بجد حلوه المدونه بتاعتك.

Mony يقول...

ايه الرومانسية ديه

اللهم بارك

بس الرجالة مش بيحبوا الست المدلوقة عليهم و لا اللي هملاهم

يعني خير الامور الوسط


و ربنا يقر عينه بيك و يقر عينك بيه
و يرضيك به و يرضه بيك

حرة المداد يقول...

سلام الله عليك اختى: تقبلي تحياتى على أسلوبك الادبي الرفيع أولا، وثانيا على كونك واحدة من قلائل ينظرون لنصف كوب الزواج الممتلئ بل ويكتبون عن هذه التجربة. أعتقد ان هذا النوع من الادب الرومانسي الهادف المحترم يجب ان نوليه قدرا اكبر من العناية .لاننا عندما نكتب عن تجاربنا في الحياة ربما يساعد هذا الكثيرين والكثيرات على تخطي العقبات وبخاصة عقبات بداية الزواج.شكرا لك وعلى وعد بزيارات قادمة

mostafa rayan يقول...

بصي بقي لوانتي بجد كدة يبقي يا بخت جوزك بجد بيكي يبقي راجل فعلا ربنا بيحبه لأنه اكرمه بأنسانة جميلة زيك بس هو بيدخل علي المدونة ويشوف كلامك دة عنه اعتقد لازم يدخل علشان يفرح بيكي اكتر

- الأخ حسن توفيق
احنا داخلين هنا نقرأ المدونة داخلين علشان زوجة عاشقة مش علشان نتضامن مع حد لاعمرو خالد و لاغيره وياريت بقي بلاش الأسلوب الخنيق دة
ابقي اضامن معاه في مدونتك مش عند غيرك

الزواج.....روضة الحب يقول...

الهدهد الطائر /بالغت فى الثناء0 واحد بيدور على قلبه/وأنا برده مش مع كلام مون مون0 mony/انا بقيت مديونالك ،قولت لجوزى فى واحدة بتقولى الرجالة مابيحبوش المدلوقين عليهم صحيح؟راح قلى ماقولتيلهاش ليه :جوزى بيموت فيه!ربنا يفرحك يارب إنتى السبب0

الزواج.....روضة الحب يقول...

حرة المداد/ياريت أكون فعلا سبب فى إن أى حد يقتنع بالكلام دة وينفذه ،الكلام دة لية أنا قبل ما يكون لأى حد تانى0 mostafarayan/ساعات بيلمح العناوين بس،وعلى فكرة انا يشرفنى إن أستاذ حسن توفيق يعلن عندى عن حملة حماية وبالذات عن عمرو خالد00،ومتشكرة جدا للزيارة0

ادم المصرى يقول...

مدونتك جميله جدا وتدوينك رائع ياريت تشرفينى فى مدنتى