كم أتعبني برعمك هذا وأنهك قواي ،اصبحت اشعر بأنى غائبة عن الوعي دائما،غيبوبة دائمة تتملكني حتى وانا واقفة وأتكلم وأضحك ،صار الصباح وإستيقاظي من النوم هما ،أخاف أن أنهض من على السرير حتى لا تسنح الفرصة المنتظرة للغثيان ليقوم بعمله الدءوب المعهود بي كل يوم،أصبح التنفس صعبا للغاية ،وأصبح الطعام كله كريه،حتي المحبب عندي،خاصة المحبب عندي،حتي رائحة العطر التي كانت تأسرني أصبحت منفرة ،ولكن كل تلك المتاعب لا شيء فداء لأطيب برعم ينمو على سطح الأرض،دائما أتلمس يده الدقيقة في مخيلتي ،أحسها بشدة أكثرممالو كنت ألمسها بالفعل،لا أحاول أن أتخيل ملامحه،في عقيدتي شبه يقين بأنه سيكون النسخة الثالثةمن أبيه ،أشتم رائحته يبثها من قراره المكنون ،لتمليء كل أركاني،أجد الآن رائحته الطيبة مليء حواسي،أحيانا أتخيله مليء ناظري ،أستمع إلي عيناي وهي تتحدث إليه حديث اللهفة والرفق والابتسام المندي برقائق دمعتين،عندما رأيته اليوم بقلبه الصغير الخافق بشدة ،وجدت وكأنه قلبي أنا يخفق ،فرح وسعادة ومرح وانطلاق تملكوني أنسونى كل لحظات التأفف ....،رغم كل تلك الأحاسيس المرهفة الخاصة جدا بيني وبينه فإني أحيانا أشعر أن أجمل ما فيه ......أنه منك0
الثلاثاء، 29 أبريل 2008
الاشتراك في:
تعليقات الرسالة (Atom)
47 التعليقات:
انه منه ومنك أيضا
ولك بين هذا البرعم أحاديث لا يعرفها غيرك
ولا يفهمها الا هذا البرعم
بارك الله لكما
الطائر الحزين/ شكرا جزيلا لتعليقك0
ربنا يكملك على خير ويقومك بالسلامه اولا
ثانيا
جميل جدااااا كم المشاعر دي رغم الالم والمتاعب
ربنا يخليكو لبعض
ربنا يباركلك فى زوجك وابنائك ومن سيأتى ان شاء الله
ويبارك لك فى تفهمك وادراكك لحياتك
ان شاء الله حضرتك معانا فى الكتاب سواء فى العدد الاول او التانى
بس يا ريت تبعتى الميل مره تانيه عشان وصل متشفر المره اللى فاتت
اسكندرانى أوى /شكرا لتعليقك0
حزين / جزيل الشكر0
وحشتيني قوي قوي
انا كنت متأكدة ان (البرعم الصغير)هو سبب تأخيرك بس يارب تكوني دلوقتي في صحة جيدة وربنا يكملك علي خير واجمل حاجة في الدنيا انه منك ومنه
ربنا يسعدكم دايما ان شاء الله
حبيبه/ وإنتي والله وحشتيني أوي ،على فكرة إنتي خلتينى أعيط من الكلمتين دول ،بجد نفسى أشوفك أوي،ربنا يقومك بالسلامة ويباركلك فى كل حاجة فى حياتك يارب 0
ما دام كنتى متأخرة علينا عشان كده
خلاص ..سماح ياستى
وربنا يكرمك بيه يارب ويكملك على خير
عجبتنى قوى الجملة ده
وأجمل ما فيه أنه منك ؟
روعة وعشق فوق الوصف
ربنا يباركلك فى أولادك ويزود عشقك لأبيهم
بصراحة كنتى واحشانى مووووووووووت
انتما شريكين في خلق انسان
هو هدية الحب التي يمنحها الله لكما
طالما تمنيت ذلك الاحساس مضافا الية احساس لحظة خروجه الى الدنيا وصرخته الاولى
في الثقافة الشعبية يقولون انها ساعة منسية
ان كل ام تنسي الالم الذي عانته مع وليدها ويراودها الاحساس بانها تريد ان تلمس تلك المشاعر المشوبة بالالم مرة اخري
اامل لك وله السلامة والصحة والعافية
احييك
سمراء
السلام عليكم
احساس الامومة احساس رائع اسعدكى الله وجعلة قرة عين لكما
الؤلؤة المكنونة /وحشتينى أوى إنتى كمان يا لولو،وعقبالك في بيت العدل،سيبي النت بقى اليومين دول وركزى في الأمتحانات ،ربنا يوفقك وتبقى دكتورة ممتازة وماتنسيش التخصص اللى قولتلك عليه0
سمراء/ شكرا لزيارتك ولدعائك الجميل ،على فكرة جميل أوى أسمك0
رئيسة حزب الأحلام/وعليكم السلام ورحمة الله وبركاته ،منورة يا سيادة الريسة،ربنا يقر عينك إنتى كمان بالزوج الصالح والأولاد المباركين0
ماشاء الله إيه الجمال دة
احساس جميل منك ووصف رائع
ربنا يارب يبارك لك فيه
ويرزقك انت وابيه بما تتمنوا وزيادة
اللهم آمين
تحياتى ليكى على هذه المشاعر الرائعة
ادامها الله عليكى
الله على الكلام الجميل..اللى مبأناش نسمعة خالص...
مدونتك فرصة لبث اصول التعامل فى الحياه الزوجية...
حفظك الله ...وجزاكى عنها خيرا...انا شايفاها بجد مفيده جدا جدا ...على الاقل لواحدة مثلى مفروض انها فى سن الزواج..لكنها خايفة جدا مسبقا ...
شكرا جزيلا بجد :)
ربنا يفتحلك بالخير وتكملي علي خير إن شاء الله
وبجد انتي بتكتبي اسلوب ادبي منكق جدا
همساتك لذلك البرعم هتشكل شخصيته في المستقبل فاحرصي ان يكون بينكما حوارا من الان
اجمل شئ فى الوجود انك تحسى ان بداخلك تتكون حياه
والاجمل ان هذه الحياه هى حياه من حياه تعشقيها فى شخص زوجك و تملء قلبك
فعشقك لزوجك هو ما يجعل حياتك اكثر بهجه اتم الله عليكى بالخير
واسعد لحظات حيات كلها بالخير
ارجوا ان تكونى دائما على تواصل واسمحى لى ان اطمن على الحياه التى تتكون بداخلك
واتمن ان يخرج هذا الجنين بخير وصحه
وتنعمى بوجوده امامك ليقر عينك
تحياتى
ربنا يسعدك يارب
انا عاوزة طريقة للتواصل مابينا
انا مش عارفة تكون ازاي
لان بجد نفسي اتكلم معاكي قوي
السلام عليكم
ألف مبروك أختى الكريمة ,,اللهم اجعل ما رزقتنى حسن الخُلق والخِلقة,, ,ادعى بهذا الدعاء دائما ,,ربنا يبارك لكم يا رب
وجدتها
نعم وجدتها
وجدت الحقيقه التي ما طالما اشعرني الاخرين بانها خيال محال التحقيق
انا فتاة غير متزوجه
ولكن دائما احلم بان اكون زوجع عاشقه ذائبه في شوق وحنان ورقه تمنحها لزوحجها
فكثير ما اقرء واطلع حتى ياتي هذا اليوم الذي اكون فيه زوجه يعشقها زوجها
ولكن دائما ما يشعرني الاخرين باني اعيش في وهم كبير لان لا مفر من الحزن والحياه في بيت واحد ولكن لكل من الزوجين عالمه الخاص
وعندما وجد مدونتك حقا وكاني وجدت حلمي
لن استطيع ان اصف لكي مدى سعادتي بكلماتك واحساسك
ادامهما الله عليكي
وادام لكي زوجك ووزريتكمم
وجمعكم الله في جنه الفردوس ان شاء الله
ورجاء مني بان تدعي لي دائما بان يكرمني الله واستطيع ان اكون زوجه عاشقه لزوجها
وتحياتي لكي تحيه لا اعرف كيف اعبر لكي عن شده اعجابي بكي
(حنان )
اسمحيلي اجلس على اعتاب مدونتك لأتعلم كيف يكون العشق
حبيبتى .. بارك الله لكما فى المولود الجديد ورزقكم بره .. وتقوميلنا بألف سلامة إن شاء الله
خالص تحياتى وحبى لقلمك وقلبك الجميل
هذه مشاعرام عاشقة ايضا
خلي بالك بقي وحاولي لما ولي العهد يجي ان شاء الله توافقي بينه وبين جوزك
ربنا يكرمك في الاتنين
كيف حالك يا سيدة العشق
بارككما الإله
كوني بخير
أسرار
عزيزتي
كنتي سـألتي ايه اكتر تدوينه عجبتني
في الحقيقه انا معجبه بكل الكلام اللي قلتيه لأن وراءه قلب محب
بجد أحييكي علي قلبك الطيب وحبك الكبير
عجبني اوي احساسك ولما بتحاولي تتغلبي علي المتاعب دي ب : أجمل ما فيه انه منك
ربنا يسعدك .. ويارب تقومي بألف سلامه
lyssandra
ربنا يتمم لك علي خير ياأرق أم في الدنيا
كلامك جميل كالعادة
الف مبروك
وربنا يكمل لك على خير
وعلى فكرة مدونتك جميلة جدا
السلام عليكم
اسم مدونتك جميل قوي
وحسسني بالتفاؤل والامل
اجمل شيء انك تلاقي زوج عاشق او زوجة عاشقة
ربنا يسعدك ويبارك لك في برعمك الجديد
ويزيد العشق منك ومنه
آخر العنقود /ربنايخليكى يارب ويارب فعلا يبقي زي مابنتمناه
سمر / متشكرة لاستجابتك السريعة ،وماتخليش حد يخوفك إن شاء الله ربنا يرزقك بحياه زوجية سعيدة،أسمى علاقة في الدنيا هي الجواز،ممكن تعيشى سعادة عمرك ماعيشتيها قبل كدة لو قدرتى تكسبى صداقته وحبه واحترامه باحترامك ليه وتفهمك لحياتكم كويس ،مرة تانية شكرا على التعليقين وربنا يوفقك0
miss.sossa/ شكراأوى علي الكلام الحلو دة وهاروح أدور على منكق دى فى المعجم أصل أنا بيني وبينك خدعة كبيرة،ومتشكرة أوى على نصيحتك لية بإذن الله هاعمل بيها،بجد أسعدتيني أوى بتعليقك0
روح شرقية / كلامك جميل كدة علي طول حتى في التعليقات؟ وبعدين انتي تشرفيني طبعابسؤالك في أى وقت ،متشكرة أوي لاهتمامك0
حبيبه/عارفة أنا حاسة إن رغبتك في إنك تتكلمي معاية مش لأي سبب غير إنك مشتاقة أوي لجوزك ،أنا حاسة بيكي أوى ،ربنا يرجعهولك قريب أوي بألف سلامة0
مجداوية / ربنا يباركلك إنتي كمان في كل حياتك ،علي فكرة إنتي كنتي واحشاني أوي0
nanooo20100/ أنا مش عارفة أقوللك إية والله ،متشكرة أوي علي الكلام الكبير دة،وبإذن الله هادعيلك دايما ،ربنا يرزقك بالزوج المبارك والحياه السعيدة ،لازم إنتى كمان تدعى ربنا كتير ،ويارب تبقي أحلى زوجة عاشقة في الدنيا0
حبيبة / أنا كنت كاتبالك هنا رقم التليفون بتاعى بس لما حكيت لجوزى قاللى لأ شيليه علشان ممكن أى حد يشوفه،سامحينى بقى ،أنا نفسي أكلمك أوي والله وفرحت أوى لما قريت التعليق ،ابعتيلى الإيميل بتاعك وانا هابعتلك فيه الرقم على طول 0
إنسانة/ متشكرة أوى لتعليقك الرقيق وعلى دعائك ،العشق بداخل كل منا لا يتعلم فقط يحتاج لقليل من البحث0
mostafa rayan/ شكرا جزيلا على التعليق0
أسرار أنثي /أنا بخير حال والحمد لله يا سيدة العذوبة0
lyssandra / أنا بشكرك جدا علي كلماتك الرقيقة لية0
مفقوعة مرارتي من حماتى /وحشتيني أوى يا مفقوعتي،على فكرة إنتى كنتى على بالى أوى الفترة اللى فاتت،نورتى المدونة يا جميل0
yassmina / الله يبارك فيكى وشكراجزيلا للزيارة0
أمل / وعليكم السلام ورحمة الله وبركاته،الله يبارك فيكي ،والحمد لله إنك حسيتى بالتفاؤل بسببي،شكرا لزيارتك ولكلماتك الرقيقة0
بعد اذنك بسرعه لو سمحت ابعتيلنا تانى اسم حضرتك ورقم الموبايل والرساله تكون بالانجليزى لأنها وصلت اكتر من مره بايظه خالص ومتشفره ولما اتصلنا برقم الموبايل رد واحد
----
احمد مهنى
مدونات مصريه للجيب
ahmed_mahana_me@yahoo.com
ما أجمل الحب ... يجعلنا نتحمل ... و مهما أتعبنا فنحن نحب و نعشق هذا الألم
.
.
ببساطة لأنه الحب
تقبل مروري
إرسال تعليق